Тошкентда йўл талашиб, жамоат тартибини бузган автобус ҳайдовчиларига чора кўрилди

Пойтахтда йўл талашиб, жамоат тартибини бузган ҳайдовчиларга чора кўрилди. Бу ҳақда шаҳар ИИББ хабар бермоқда.

Фото: ИИББ

Маълум қилинишича, жорий йилнинг 28 февраль куни тахминан соат 08:20 ларда автобус ҳайдовчилари - 1995 йилда туғилган М.М. ва 1991 йилда туғилган Н.Б. Яшнобод тумани Иззат кўчасида йўл талашиб, жамиятда юриш-туриш қоидаларини қасддан менсимасдан жамоат тартибини бузган.

Мазкур ҳолат юзасидан Яшнобод тумани ИИО ФМБ томонидан М.М. ва Б.Н.га нисбатан Ўзбекистон Маъмурий жавобгарлик тўғрисидаги кодексининг 183-моддаси (“Майда безорилик”) билан маъмурий баённома расмийлаштирилган.

"Ҳурматли ҳайдовчилар, йўлларда ҳаракатланаётганингизда нафақат ўзингиз, балки йўловчилар ва пиёдаларнинг ҳаёти учун ҳам масъул эканлигингизни унутманг. Йўлларда ҳаракатланиш маданиятига риоя этинг!" - дейилади ИИББ хабари.

#автобус #ҳайдовчи