Сирдарёда жоме масжид қурилиши учун йиғилган пулларни ўзлаштирган шахслар ушланди

Ўзини Россияда ишловчи аёл сифатида таништиган шахс масжид қурилишига 150 доллар пул ўтказишини айтиб, карта маълумотларини билиб олган ва шериги билан ундаги пулларни ўзлаштирган.

Фото: KUN.UZ

Наманган вилояти Косонсой туманида ва Тошкент шаҳрида яшовчи икки нафар шахс Янгиер шаҳрида қурилиши режалаштирилган масжид учун очилган банк картасидаги пулларни ўзлаштирган. Бу ҳақда ИИВ Киберхавфсизлик маркази хабар бермоқда.

Маълум қилинишича, Сирдарё вилояти Янгиер шаҳрида яшовчи М.С. ИИБга ариза билан мурожаат қилиб, шаҳарда қурилиши режалаштирилган жоме масжид учун очилган банк картасидаги пулларни ўзлаштирган шахсга қонуний чора кўришни сўраган.

Унинг аризасига кўра, масжид қурилиши учун очилган банк картаси маълумотларини эҳсон қилувчиларга тарқатиш учун Теlegramʼда эълон қолдирган.

Шундан сўнг ўзини Россияда ишловчи аёл сифатида таништирган шахс 150 доллар эҳсон қилмоқчи эканини билдириб, банк карта бошқаруви учун келган СМС-хабарни қўлга киритиш орқали картадаги 73,4 млн сўм пулларни ўзлаштириб олган.

Олиб борилган тезкор-қидирув тадбирлари натижасида, ушбу жиноятни Наманган вилояти Косонсой туманида яшовчи Э.А. ва унинг жиноий шериги Тошкент шаҳар Сергели туманида яшовчи Н.Ж. содир этгани аниқланган.

#жоме масжид #Сирдарё

Мавзуга оид

11:15 / 05.06.2025

Венгрия Сирдарёда паррандачилик кластерини барпо этади

00:08 / 04.06.2025

Тошкентга 361 кг эшак гўштини олиб кетаётган Lacetti тўхтатиб қолинди

16:47 / 02.06.2025

Тожикистон, Ўзбекистон ва Қозоғистон «Баҳри Тожик» сув омборидан биргаликда фойдаланади

07:53 / 30.05.2025