ЖЧ-2022. Нидерландия Сенегалдан устун келиб, турнирни ғалаба билан бошлади

Қатардаги жаҳон чемпионатининг иккинчи куни доирасидаги 2-ўйин якунига етди.

«Ат-Тумама» стадионида А гуруҳи 1-тури доирасида Сенегал ва Нидерландия миллий жамоалари ўзаро тўқнаш келишди. Тенгкурашлар остида кечган ўйиннинг 84-дақиқасида нидерландлар сафидаги 23 ёшли форвард Коди Гакпонинг ягона голи Луи ван Гал жамоасига турнирни ғалаба билан бошлаш имкониятини берди – 1:0. 

Ўйиннинг сўнгги сониялари, аниқроғи 90+9-дақиқада Классен фарқни иккитага оширди – 2:0.

Шу тариқа, 1-турдан кейин Эквадор Қатарни (2:0), Нидерландия эса Сенегални мағлуб этиб, гуруҳда қўшпешқадамлик қилишмоқда. Сенегал ва Қатар эса ҳозирча сўнгги икки ўринни эгаллаб турибди.

ЖЧ-2022. А гуруҳи. 1-тур
Сенегал – Нидерландия 0:2
Голлар: 0:1 – 84 Гакпо, 0:2 – 90+9 Классен.
Сенегал – Менди, Сабали, Кулибали, Сиссе, Диалло (Якобс, 62), Куяте (Гуйе, 73), Гуйе, Менди, Сарр, Диатта (Джексон, 74), Диа (Дьенг, 69).
Нидерландия – Нопперт, Думфрис, ван Дейк, Аке, де Лигт, Блинд, де Йонг, Бергейс (Копмейнерс, 79), Янссен (Депай, 62), Бергвейн (Классен, 79), Гакпо.
Огоҳлантиришлар: де Лигт (56).