Қўшимча функционаллар
-
Тунги кўриниш
Самарқандда майнинг фермаси ташкил этиб, ноқонуний криптовалюта ишлаб чиқарган электр тармоқлари корхонаси ходими ушланди
Нотурар бинода майнинг ферма учун мўлжалланган 64 дона “Antminer L3 S9” моделли қувват манбаи, 5 дона сервер қурилмалари ҳамда 1 дона wi fi роутер борлиги аниқланган.
Фото: Самарқанд вилояти ИИБ Ахборот хизмати
Самарқанд вилояти ИИБ ахборот хизматининг хабар беришича, ДХХ вилоят бошқармаси, “Самарқанд ҳудудий электр тармоқлари корхонаси” АЖ ҳамда вилоят ИИБ ходимлари ҳамкорлигида Қўшработ туманида ўтказилган тезкор тадбирда туманнинг Қўрғон маҳалласида яшовчи, туман электр тармоқлари корхонаси электромонтёри бўлиб ишлаб келаётган Ш.Х. га тегишли нотурар бинонинг юқори кучланишли электр тармоғига улангани шубҳа уйғотган.
Тадбир давомида, мазкур бинода криптовалюта ишлаб чиқариш учун ноқонуний майнинг ферма ташкил қилингани аниқланган.
Нотурар бино кўздан кечирилганда майнинг ферма учун мўлжалланган жами 64 дона “Antminer L3 S9” моделли қувват манбаи, 5 дона сервер қурилмалари ҳамда 1 дона wi fi роутер мавжудлиги аниқланиб, ушбу қурилмалар холислар иштирокида расмийлаштирилган.
Ушбу фермада амалга оширилган ноқонуний хатти-ҳаракатлар оқибатида “Самарқанд ҳудудий электр тармоқлари корхонаси” АЖга Ш.Х. томонидан 1 миллиард сўмдан ортиқ зарар етказилгани ҳисобланган.
Қайд этилишича, мазкур ҳолат юзасидан тўпланган ҳужжатлар асосида Жиноят кодексининг тегишли бандлари билан жиноят иши қўзғатилган.
Мавзуга оид
20:37 / 14.07.2025
Навбатдаги чўпчак: Ўзбекистонда криптовалюта “қазиб олувчи” ускуна ижарасидан даромад олиш таклиф этилмоқда
20:15 / 27.05.2025
Францияда криптомиллионерларни ўғирлаш иши бўйича 20 дан ортиқ шахс ҳибсга олинди
20:26 / 15.05.2025
Криптофирибгарлар Telegram орқали 27 млрд доллар пул ювгани маълум бўлди
13:56 / 02.05.2025