Қўшимча функционаллар
-
Тунги кўриниш
Қандаҳордаги масжидда содир этилган портлашлар учун жавобгарликни ИШИД ўз зиммасига олди
Маълумот берилишича, икки нафар худкуш масжид биносининг турли қисмларида ҳужум уюштирган.
Фото:twitter.com/Etilaatroz
Афғонистоннинг Қандаҳор шаҳрида жойлашган шиалар масжидида содир этилган портлашлар учун жавобгарликни ИШИД террорчилик гуруҳи ўз зиммасига олди. Бу ҳақда Франс Пресс агентлиги гуруҳ баёнотига таяниб хабар берди.
Гуруҳнинг билдиришича, икки нафар худкуш масжид биносининг турли қисмларида ҳужум уюштирган.
Эслатиб ўтамиз, Қандаҳордаги шиалар масжидида жума намози вақтида портлашлар содир бўлди. «Бахтар» агентлиги маълумотига кўра, ҳодиса оқибатида 62 киши ҳалок бўлиб, 68 киши яраланган.
Ўтган ҳафтада ҳам Қундуздаги шиалар масжидларидан бирида жума намози вақтида террорчи худкуш ўзини портлатиши оқибатида 50 киши ҳалок бўлганди.
Мавзуга оид
13:48
Владимир областидаги ҳарбий базада портлаш. Асосий маълумотлар
15:42 / 05.04.2025
“Деразани очишим билан таҳоратхона портлаб кетди”: Избоскандаги масжиддан репортаж
18:08 / 04.04.2025
«Профилактик тадбирларни тўғри тушунишингизни сўраймиз» – Мусулмонлар идораси масжидлардаги техник назорат ишлари ҳақида
23:19 / 31.03.2025