Қўшимча функционаллар
-
Тунги кўриниш
Сирдарё вилоятига ноқонуний йўл билан олиб кирилаётган кўз линзалари ва тамаки маҳсулотлари аниқланди
Сирдарё вилояти ҳудудига чегара орқали ноқонуний равишда олиб кирилаётган қиймати 500 миллион сўмдан ортиқ бўлган кўз линзалари ва тамаки маҳсулотлари аниқланди. Бу ҳақда вилоят божхона бошқармаси Kun.uz’га маълум қилди.
Фото: Давлат божхона қўмитаси ахборот хизмати
Сирдарё вилояти божхона бошқармаси томонидан 9252-ҳарбий қисм билан ҳамкорликда олдиндан олинган тезкор маълумотларга асосан, Сирдарё тумани “Шоликор” СИУнинг Қозоғистон Республикаси билан чегарадош бўлган ҳудудида тамаки маҳсулотларининг ноқонуний айланувига қарши курашиш борасида тезкор тадбир ўтказилди.
Тезкор тадбир давомида, Ўзбекистон фуқаролари А.Ж. ва У.Ф. олдиндан ўзаро тил бириктириб, Сирдарё дарёси орқали Қозоғистондан Ўзбекистонга резина қайиқ ёрдамида божхона назоратини четлаб олиб ўтган жами 6 дона қоғоз коробка борлиги аниқланди.
Ушбу товарлар юк эгалари ҳамда холислар иштирокида кўздан кечирилиб саноқдан ўтказилганда, хорижда ишлаб чиқарилган, тасдиқловчи ҳеч қандай ҳужжатлари бўлмаган ва сифати кафолатланмаган 5 турдан иборат, дастлабки қиймати 523 миллион 290 минг сўмлик бўлган 1430 қути фильтрли тамаки маҳсулотлари (сигареталар) ҳамда 4540 дона кўз учун линзалар ва линза учун ғилофлар борлиги аниқланиб, ашёвий далил сифатида олинди.
Ҳозирда мазкур ҳолат юзасидан божхона органлари томонидан терговга қадар суриштирув ҳаракатлари олиб борилмоқда.
Мавзуга оид
22:43 / 23.04.2025
Божхонадаги чекловлар: фуқаро божни тўлай олмаса, нима бўлади?
19:56 / 22.04.2025
“Нархлар анча арзонроқ” — Қозоғистондан қайтаётган ўзбеклар ўзи билан нималар олиб киряпти?
17:10 / 21.04.2025
Жисмоний шахсларнинг хориждан товар олиб киришига чекловлар кучайтирилганига изоҳ берилди
17:59 / 18.04.2025