Америкалик ҳарбийлар Афғонистондан кетиш олдидан ҳарбий техникани яроқсиз ҳолга келтирди (видео)

АҚШ қуролли кучларининг Афғонистонда хизмат қилган ҳарбийси Майкл Марклэнд ижтимоий тармоқларда америкалик ҳарбийлар Афғонистондан чиқиб кетиш олдидан ҳарбий техника ва қурилмаларни яроқсиз ҳолга келтираётгани видеосини ижтимоий тармоқларда эълон қилди.

31 августда АҚШ ўз қўшинларини Афғонистондан олиб чиқишни якунлаганини эълон қилганди. АҚШ президенти Жо Байден одамларни эвакуация қилиш бўйича амалиётни узайтирмасликка қарор қилган.

Pew Research Center ўтказган сўровномага кўра, америкаликларнинг деярли 70 фоизи АҚШнинг Афғонистондаги амалиёти натижаларидан норозилик билдиришган. 26 фоизгина америкаликлар Байден маъмурияти Афғонистондаги вазиятга етарлича тўғри жавоб берди, деб ҳисоблашмоқда.