Тожикистон президенти мамлакатда коронавирус устидан ғалаба қозонилганлигини эълон қилди

Мамлакат соғлиқни сақлаш вазирлигининг маълумот беришича, Тожикистонда 15 кундан буён коронавирус юқтириш ҳолатлари қайд этилмаган.

Фото: Тожикистон президенти матбуот хизмати

Тожикистон коронавирусни бутунлай енгди, аммо барча фуқаролар хавфсизлик чораларига риоя қилишлари лозим. Бу ҳақда Тожикистон президенти Имомали Раҳмон парламентга мурожаати чоғида айтди.

"Тожикистонда коронавирус йўқ, у бутунлай йўқ қилинди", - деди Раҳмон.

У шу билан бирга, гигиена қоидаларига риоя қилишни унутмаслик кераклигини қўшимча қилди.

“Эпидемик чораларга риоя қилиш, гигиена воситалари, антисептиклар, тиббиёт ниқобларидан фойдаланиш зарурлигини таъкидлайман”, - деди Тожикистон президенти.

Пандемия бошланганидан буён Тожикистонда 13 минг 308 киши касалликка чалинган, 90 киши вафот этган.

#Тожикистон #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.