Ла Лига коронавирус хавфи туфайли камида икки ҳафтага тўхтатилди

Фото: AP Photo/Joan Monfort

Ла Лига раҳбарияти коронавируснинг тарқалиш хавфи туфайли Испания чемпионати ўйинларини вақтинчалик тўхтатишга қарор қилди. Бу ҳақда ташкилот расмий сайти хабар берган.

Ла Лиганинг камида навбатдаги икки тури қолдирилди. «Реал» спорт клубининг баскетбол ўйинчисида коронавирус аниқланганлиги боис карантин эълон қилинганлиги бундай қарорга келинишига сабаб бўлган.

Маълумот учун, олдинроқ Италия А Серияси ўйинларини вақтинчалик тўхтатиш ҳақида қарор қабул қилинганди.

#Испания Ла Лигаси #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.