Қўшимча функционаллар
-
Тунги кўриниш
Вазият ўта кескин тус олди. Яманда исёнчилар 41 журналистни гаровда ушлаб турибди
Фото: © AP / Hani Mohammed
Исёнчи ҳусийлар Санадаги Yemen Today телеканали биносида 41 нафар журналистни гаровда ушлаб турибди. Бу ҳақда РИА «Новости» икки манбага таянган ҳолда хабар бермоқда, улар ушбу мамлакатдаги исёнчилар билан алоқаларга эга.
Таъкидланишича, қўлга олинганлар орасида Россиянинг Sputnik агентлигининг Ямандаги штатдан ташқари мухбири ҳам бор.
Исёнчилар ўтган шанба куни телемарказ биносини эгаллаб олишди, у ерда эса Yemen Today телеканали офиси жойлашган. Телеканал журналистлари якшанба куни бундан норози бўлиб очлик эълон қилишди.
Yemen Today Яманнинг ўлдирилган собиқ президенти Али Абдулла Солиҳнинг партияси билан алоқадор канал сифатида танилган. Ушбу партия - «Умумий халқ конгресси» (УХК) шанба куни яманлик фуқароларни мамлакатни яқинда ўз иттифоқдошлари бўлган «Ансор Алла» ҳусийлар ҳаракатидан ҳимоя қилишга чақирди.
Аввалроқ Яман пойтахтидаги тўқнашувлар натижасида 245 киши ҳалок бўлгани хабар қилинганди.
Ямандаги уруш
4 декабрь куни Яманнинг собиқ президенти, мамлакатни 33 йил давомида бошқарган Абу Абдулла Солиҳ ўлдирилди. Энди Яманда фуқаролик урушининг иккинчи босқичи бошланди.
Мавзуга оид
03:29 / 04.04.2025
Пентагонда ҳусийларга ҳужум Signal чатида муҳокама қилингани юзасидан тергов бошланди
10:07 / 26.03.2025
Яман бўйича чатдаги сизиб чиқишдан кейин АҚШда янги жиноий модда жорий этилади
11:29 / 25.03.2025
«Оқ уй мени ўз ҳарбий режалари билан таништирди». Журналистни тасодифан махфий ҳарбий чатга қўшиб қўйишди
22:02 / 17.03.2025