«Nasaf» «Andijon»ni mag‘lub etib, O‘zbekiston Superkubogi egasi bo‘ldi

Futbol bo‘yicha O‘zbekiston Superkubogi uchun bahsda amaldagi chempion, Qarshining «Nasaf» klubi va kubok sohibi «Andijon» o‘zaro bellashdi.

Toshkentdagi «Bunyodkor» stadionida 13 mingdan ortiq tomoshabin qarshisida o‘tgan o‘yin taqdirini yagona gol hal qildi.

72-daqiqada bosh hakam Ilgiz Tantashev andijonliklar darvozasi tomon penalti belgiladi. 11 metrlik nuqtaga yaqinlashgan Husayn Norchayev bu imkoniyatdan unumli foydalandi – 1:0. Bu natija o‘yin oxiriga qadar o‘zgarmadi.

Shu tariqa, «Nasaf» o‘z tarixida 4-marta O‘zbekiston Superkubogiga ega chiqdi. Bu o‘zbek futbolidagi eng yaxshi ko‘rsatkich hisoblanadi.

Shuningdek, O‘zbekiston Superkubogida «Paxtakor» va «Lokomotiv» 2 martadan, «Bunyodkor» va «Navbahor» 1 martadan g‘alaba qozongan.

O‘zbekiston Superkubogi-2025
Toshkent, 27 may, «Bunyodkor» stadioni
NASAF (Qarshi) – Andijon 1:0

Gol: Husayn Norchayev 72 (pen)

NASAF: Abduvohid Ne’matov, Alibek Davronov, G‘olib G‘aybullayev, Akmal Mozgovoy, Dragan Cheran (Zafarmurod Abdirahmatov, 90), Sharof Muhitdinov (Sherzod Nasrullayev, 65), Husayn Norchayev, Stefan Cholovich (Rubin Hebay, 65),Shuhrat Muhammadiyev (Igor Golban, 90), Oybek Bozorov, Umarbek Eshmurodov.

ANDIJON: Valijon Rahimov, Islombek Mamatkazin, Abdulvohid G‘ulomov, Altin Kreziu (Damin Temirov, 75), Ilhomjon Abdug‘aniyev (Mirzad Mexanovich, 75), Islam Mashukov (Rustam Turdimurodov, 73), Usmonali Ismonaliyev, Doniyor Abdumannopov, Muhammadkarim Toirov, Luka Uskokovich, Bektemir Abdumannonov.

Ogohlantirish: Akmal Mozgovoy (24), Usmonali Ismonaliyev (71)