Netanyahu Haaga sudi orderiga qaramay Vengriyaga keldi

Isroil bosh vaziri Binyamin Netanyahu Vengriyaga keldi. Mamlakat siyosatchini hibsga olishga order bergan Haagadagi xalqaro sudning yurisdiksiyasini tan oladi. Biroq, Vengriya rasmiylari buni qilmaslikka va’da berdi.

Foto: Facebook / szalay.bobrovniczky.kristof

Binyamin Netanyahu Vengriyaga davlat tashrifi bilan keldi, mamlakat Haagadagi Xalqaro jinoiy sud yurisdiksiyasini tan oladi. U avvalroq Isroil bosh vazirini hibsga olishga order bergan edi.

Netanyahuning Budapesht aeroportidagi suratlari 3 aprel, payshanba kuni uni kutib olgan Vengriya mudofaa vaziri Kristof Salay-Bobrovnitski tomonidan Facebookʼda e’lon qilindi.

21 noyabr kuni XJS Netanyahu va Isroilning sobiq mudofaa vaziri Yoav Galantni Isroilning G‘azo sektoridagi harbiy harakatlari uchun hibsga olish uchun order berdi. Vengriya bosh vaziri Viktor Orban bu harakatni keskin qoralab, Netanyahuni Budapeshtga taklif qilishga va Haaga talabini e’tiborsiz qoldirishga va’da berdi.

1 aprel kuni "Ozodlik radiosi"ning Vengriya xizmati Vengriya adliya vaziri Bens Tujonga tayanib, Budapesht xorijlik diplomatlarni XJSdan chiqishi haqida xabardor qilganini bildirdi. Jurnalistlarning hisob-kitoblariga ko‘ra, butun jarayon bir yilga cho‘zilishi mumkin. Vengriya 2001 yilda XJSning Rim statutini imzolagan.

#Vengriya #Binyamin Netanyahu