Nepomnyashchiy va Karlsen blits bo‘yicha JChda g‘alabani bo‘lishib oldi

Rossiyalik shaxmatchi Yan Nepomnyashchiy va sobiq jahon chempioni norvegiyalik Magnus Karlsen blits bo‘yicha jahon chempionati (JCh) g‘olibi bo‘ldi. Musobaqa 31 dekabr, seshanba kuni Nyu-Yorkda yakunlandi.

«Tarixda birinchi marta unvon... ikki grossmeyster o‘rtasida taqsimlanadi», — deyiladi Xalqaro shaxmat federatsiyasi (FIDE) xabarida.

Final uchrashuvining dastlabki ikki partiyasida Karlsen g‘alaba qozongan bo‘lsa, keyin Nepomnyashchiy ikki marta ustun keldi. Qo‘shimcha uchta partiya durang bilan yakunlangan. Natijada, norvegiyalik rossiyalikni unvon bilan bo‘lishishga taklif qildi.

«Albatta, bu oson bo‘lmadi», deb tan oldi Nepomnyashchiy dastlabki ikki partiyadagi mag‘lubiyat haqida gapirib. «Men unchalik pessimistik emasdim. Albatta, bu eng yaxshi boshlanish emas edi, lekin qachon imkon bo‘lsa, o‘ynashga va undan foydalanishga harakat qilaman», — deya qo‘shimcha qildi u.

«Hamma, albatta, biz charchaganimizni va asabiylashganimizni tushunadi, ba’zilarga yoqadi, boshqalarga esa yoqmaydi. Lekin shunday bo‘ladi!» — deya Karlsen yakuniy natija haqida fikr bildirdi.

FIDE Karlsen tufayli dress-kod qoidalarini yumshatdi

Ilgari Karlsen kiyinish qoidalarini buzgani uchun diskvalifikatsiya qilingan edi — u o‘yinga jinsi shimda bordi. Bunga javoban norvegiyalik FIDE turnirlarida keyingi ishtirok etishdan bosh tortdi. Uning rahbari Arkadiy Dvorkovich, oxir-oqibat, qoidalarni biroz yumshatishga imkon berdi, bu esa dress-koddan «kichik og‘ishlarga» yo‘l qo‘ydi. Shundan so‘ng Karlsen o‘yinga qaytdi.