Toshkentda yo‘lovchi avtobus beton ustunga urildi

Mirobod tumanida yo‘lovchi avtobusi haydovchi boshqaruvni yo‘qotishi oqibatida beton ustunga urildi. Uning old qismi va oynalariga shikast yetgan.

28 sentabr kuni Toshkent shahri Mirobod tumanida Saz-Le 60 rusumli avtobus beton ustunga urilib, YTH sodir etdi. Bu haqda poytaxt YHXB axborot xizmati xabar berdi.

Soat 13:20 da tumanning Toshkent halqa avtomobil yo‘li ko‘chasida 1998 yilda tug‘ilgan haydovchi avtobusda rul boshqaruvini yo‘qotgan. Oqibatda avtomashina beton ustunga urilgan.

Avtobus oynasi singan, shuningdek, mashinaning old qismiga shikast yetgan. Yo‘l-transport hodisasi oqibatida tan jarohat olganlar yo‘qligi aytilgan.

Holat yuzasidan shahar YHXB tomonidan surishtiruv harakatlari olib borilmoqda.

#avtobus #Mirobod tumani