Qoʻshimcha funksionallar
-
Tungi ko‘rinish
Saudiya Arabistoni O‘zbekistonda gul yetishtirishni yo‘lga qo‘ymoqchi
O‘zbekiston elchixonasi xodimlari Saudiya Arabistoni Atrof-muhit, suv va qishloq xo‘jaligi vazirligining Qishloq xo‘jaligi tadqiqotlari va qishloq xo‘jaligini kengaytirish departamenti bosh direktori Bandar Muhammad al-Saqhan bilan uchrashuv o‘tkazdilar, deb xabar bermoqda «Dunyo».
Foto: Kun.uz
Maqsad – O‘zbekistonda qishloq xo‘jaligi sohasida, jumladan, gul yetishtirish yo‘nalishida ishlab chiqilayotgan istiqbolli investitsiya loyihalariga saudiyalik investorlarni jalb etish va tegishli shartnomalarni imzolashdan iborat.
«Saudiya tomoni O‘zbekiston bilan gul yetishtirish bo‘yicha hamkorlik qilishdan manfaatdor. Bu borada Saudiya Arabistoni Atrof-muhit, suv va qishloq xo‘jaligi vazirligining 5 nafar mas’ul xodimi va 10 nafardan ziyod investorlarni gul yetishtirish bo‘yicha loyihalarga investitsiyalar kiritish maqsadida O‘zbekistonga biznes-missiya bilan yuborishga tayyormiz», dedi Bandar Muhammad al-Saqhan.
Ushbu loyihalar respublikaning tuproq-iqlim sharoitiga mos 6 ta viloyatida, jumladan Toshkent, Jizzax, Samarqand, Namangan, Farg‘ona va Andijon viloyatlarida amalga oshirish ko‘zda tutilgan.
Amaliy safar doirasida saudiyalik investorlar va mamlakat ishbilarmonlari o‘rtasida bir qator shartnomalar imzolanishi rejalashtirilgan.
Mavzuga oid
13:47 / 20.07.2025
Saudiyada 20 yil komada yotgan shahzoda vafot etdi
20:51 / 19.07.2025
Saudiya Arabistoni xorijliklarga ko‘chmas mulk sotib olish shartlarini yengillashtiradi
15:19 / 15.07.2025
Saudiya Arabistoni 170 km uzunlikdagi osmono‘par shahar loyihasini qayta ko‘rib chiqmoqda
08:34 / 04.07.2025