Qoʻshimcha funksionallar
-
Tungi ko‘rinish
Hindistondagi yirik chiqindi poligoni balandligi 62 metrga yetdi
Uni 20 qavatli uy bilan taqqoslasa bo‘ladi.
Foto: Sanchit Khanna/Hindustan Times/Getty Images
Hindiston poytaxti Dehli shahrining shimoli-g‘arbiy qismidagi Bhalsva chiqindi poligoni tobora kattalashib bormoqda.
Chiqindi uyumi balandligi qo‘rqinchli darajada 62 metrga yetgan, uni 20 qavatli uy bilan taqqoslash mumkin. Shunday bo‘lsa-da, unga chiqindi tashlash jarayoni to‘xtamayapti.
Shu yilning o‘zida poligonda 14 ta yong‘in sodir bo‘ldi, bu uning tubida bir necha oydan beri tutayotgan o‘choqlarni hisobga olmaganda. Yong‘in paytida metan ajralib chiqyapti va zaharli suyuqliklar tuproqqa singib, yerosti suvlarini bulg‘amoqda.
Bhalsvaning 200 minglik aholisi yashash uchun yaroqsiz hududda istiqomat qilyapti, zaharli havodan nafas olishga va ifloslangan suvda cho‘milishga majbur bo‘lyapti.
Qayd etish joizki, Bhalsva Hindistondagi eng yirik chiqindi poligoni emas. Masalan, Yangi Dehli sharqida G‘ozipur poligoni joylashgan. Uning hududi 40 ta futbol maydoniga teng bo‘lib, balandligi yiliga o‘n metrga oshyapti.
Mavzuga oid
15:39
“Geosiyosiy muammolarni deb o‘zbek mevalarini istaganimizcha ololmayapmiz” – Hindiston elchisi qarorgohidan eksklyuziv suhbat
10:59
Hindiston Pokiston bo‘ylab zarbalar seriyasini amalga oshirdi. Asosiy ma’lumotlar
07:45
Pokiston bosh vaziri Hindiston hujumini «urush harakati» deb atadi
01:59