6 oyda eksport qilingan mevalarning qiymati ma’lum qilindi

O‘zbekistonda 2025 yil yanvar-iyun oylarida 311 ming tonna 368,6 mln dollarlik meva eksport qilingan.

Foto: Shutterstock

AOKAda o‘tkazilgan brifingda Agrosanoatni rivojlantirish agentligi joriy yilning o‘tgan davrida O‘zbekistonning meva eksport yo‘nalishida erishilgan natijalar to‘g‘risida ma’lumot berdi.

Har yili respublikada 3,4 mln tonna meva va 1,9 mln tonna uzum yetishtiriladi, 2024 yilda 2,3 mlrd dollarlik meva-sabzavot va oziq-ovqat mahsulotlari (shundan, 1,5 mlrd dollarlik meva-sabzavot) eksport qilindi.

Joriy yil yanvar-iyun oylarida meva eksportyorlari tomonidan jami eksport qilingan meva eksportining 11 foizi 96,8 mln dollarlik gilos (42,1 ming tonna), 3,6 foizi 6,7 mln dollarlik olma (13,3 ming tonna), 3,9 foizi 10 mln dollarlik olxo‘ri (14,6 ming tonna), 15 foizi 41 mln dollarlik o‘rik (54,1 ming tonna) tashkil etadi.

2025 yilda jami bo‘lib, 10 ta agrologistika markazi ishga tushirilishi belgilangan bo‘lib, bugungi kunda 4 tasi foydalanishga topshirildi. Jumladan, Surxondaryo, Navoiy Samarqand va Farg‘ona viloyatlarida 1 ta dan agrologistika markazlari ishga tushirildi.

#meva #eksport