Detroytda vertolyotdan pul sochildi

Bu badavlat marhumning so‘nggi istagi ekani ta’kidlanmoqda.

Foto: Videodan kadr

AQSh Detroyt shahrida vertolyotdan odamlar ustiga pul sochildi.

Detroit News xabariga ko‘ra, bu bir kun oldin vafot etgan mahalliy avtoyuvish shoxobchasi egasining so‘nggi istagi bo‘lgan.

«Pul yomg‘iri» paytida yaqin atrofdagi avtomagistral bo‘ylab harakatlanayotgan ko‘plab haydovchilar to‘xtab, piyodalar qatori pullarni ushlab olishga harakat qilgan.

Guvohlarning aytishicha, tartibsizlikka qaramay, vaziyat tinch o‘tgan. Taxminan yarim soatdan keyin voqea joyiga yetib kelgan politsiya yo‘lning bir qismini to‘sib qo‘ygan.

Vertolyotdan qancha miqdorda pul sochilgani ma’lum emas, guvohlar minglab dollar haqida xabar bergan.

#AQSh #vertolyot #Detroyt