Tenge Bank biznes uchun “DDS” yangi xizmatini taqdim etdi

Yangi “Direct Debit System” xizmati mijozlarning joriy hisobraqamlaridan muntazam to‘lovlarni avtomatik ravishda yechib olish uchun mo‘ljallangan. Ushbu tizim biznes uchun yuridik shaxslar o‘rtasidagi hisob-kitoblarni avtomatlashtirish, shuningdek, kundalik moliyaviy operatsiyalarni optimallashtirish imkonini beradi.

 “Avval tadbirkorlar hisob ochish uchun bank bo‘limiga tashrif buyurishi kerak edi. O‘tgan yili Tenge Business mobil ilovasida raqamli onboarding ishga tushirilishi yordamida jarayon bir necha daqiqada amalga oshiriladigan bo‘ldi. Keyingi qadam esa “DDS” xizmatini joriy etish edi, u muntazam to‘lovlarni avtomatlashtiradi va qo‘lda boshqarish zaruriyatini yo‘q qiladi. Biz to‘liq raqamli jarayonni ta’minlash uchun hisob ochishdan kundalik hisob-kitoblargacha innovatsion xizmatlarni joriy etishda davom etamiz”, – deb ta’kidladi Bayan Abildayeva.

Tenge Bank tadbirkorlar uchun bank xizmatlarini raqamlashtirish bo‘yicha o‘z strategiyasini amalga oshirishda davom etmoqda. Bank shunga ishonadiki, oddiy va samarali yechimlarni joriy etish bilan O‘zbekistonda kichik va o‘rta biznesni rivojlantirishga hamda qulay tadbirkorlik faoliyati uchun zamonaviy infratuzilmani yaratishga xizmat qiladi.

***

Tenge Bank zamonaviy bank texnologiyalaridan foydalangan holda barcha toifadagi korporativ va chakana mijozlarga moliyaviy xizmatlar ko‘rsatadigan universal bankdir. Bank Qozog‘iston Xalq Bankining (Halyk Bank) shu’ba korxonasi hisoblanadi.

Halyk Bank Qozog‘istondagi eng yirik tizimni tashkil etuvchi banklardan biri bo‘lib, Halyk Group tarkibiga kiradi va Markaziy Osiyodagi yetakchi moliya institutlaridan biri hisoblanib, keng mijozlar bazasi va mavjudlik tarmog‘iga ega.

Halyk Group chakana va korporativ mijozlarga, kichik va o‘rta biznesga bank xizmatlarining to‘liq spektrini taklif etadi. Halyk Group Gruziya va O‘zbekistonda ham faoliyat yuritadi.

 E-mail: info@tengebank.uz   Veb-sahifa | Facebook | Instagram | Telegram

Reklama huquqi asosida