Isroil armiyasi yana Yaman portlarini evakuatsiya qilishga chaqirdi
Isroil armiyasi odamlarni o‘z xavfsizligi uchun Yamanning Qizil dengizdagi uchta porti – Ras Iso, Xodayda va As Salif portlarini tark etishga chaqirdi.

Foto: Chen Junqing/Xinhua/picture alliance
Isroil mudofaa kuchlari (TsAXAL) yana bir bor Yamanning uchta portidagi odamlarni evakuatsiya qilishga chaqirdi. «Takroriy ogohlantirish» Yamanning husiychilar nazorati ostidagi Ras Iso, Xodayda va As-Salif portlariga tegishli, deb yozdi TsAXAL vakili 14 may, chorshanba kuni X platformasida arab tilida.
Al-Hodeyda viloyatidagi Qizil dengiz sohilida joylashgan portlardan husiychilar «terrorchilik faoliyati» uchun foydalanmoqda va odamlar o‘z xavfsizligi uchun bu obektlar yaqinida bo‘lmasliklari kerak, deya qo‘shimcha qildi u.
11 may kuni ham Isroil armiyasi vakili xuddi shunday chaqiriq bilan chiqdi. Bu ogohlantirishdan keyin Isroil hujumlari haqida rasmiy xabarlar kelib tushmadi. Husiychilar so‘nggi kunlarda Isroilga bir necha bor raketa hujumi uyushtirdi. Oxirgi hujum 14 may kuni ertalab amalga oshirilgan, raketa Isroil kuchlari tomonidan tutib olingan.
Mavzuga oid

15:21
Germaniyada faollar Isroilga qurol yetkazib berishni to‘xtatishni talab qildi

15:00 / 05.06.2025
Ispaniya Isroil bilan raketalar yetkazib berish bo‘yicha shartnomani to‘xtatdi

14:25 / 05.06.2025
Isroil armiyasining G‘azoga hujumida bir kunda 97 kishi halok bo‘ldi

15:14 / 04.06.2025