O‘zbekistonda hafta davomida quruq va issiq havo bo‘lishi kutilmoqda

O‘zbekistonning katta qismida hafta davomida quruq ob-havo saqlanib turadi, deya xabar bermoqda O‘zgidromet.

Dushanba kuni O‘zbekiston hududi bo‘yicha quruq ob-havo saqlanib turadi, faqat respublikaning eng shimolida, Qoraqalpog‘iston Respublikasida ayrim joylarda momaqaldiroq bilan qisqa muddatli yomg‘ir yog‘ishi mumkin.

Mamlakatning katta qismida yoz kabi +35…+38 darajagacha issiq bo‘ladi. Seshanba va chorshanba kunlari havo harorati pasayadi, chorshanba kuniga kelib harorat +25…+30 darajani tashkil etadi.

Haftaning ikkinchi yarmidan harorat yana ko‘tarila boshlaydi va ish haftasi oxiriga borib havo +30…+33 darajagacha isiydi. Qoraqalpog‘iston Respublikasi va Xorazm viloyatida seshanba kuni +15…+20 daraja atrofida eng salqin kun bo‘ladi, so‘ng harorat asta-sekin +28…+30 darajagacha ko‘tariladi.

Faqat 29–30 aprel kunlari Qoraqalpog‘iston Respublikasi, Xorazm, Buxoro, Navoiy viloyatlarida ayrim joylarda, 1–2 may kunlari Farg‘ona vodiysida ba’zi joylarda qisqa muddatli yomg‘ir yog‘ishi, momaqaldiroq kuzatilishi mumkin.

Shamol sharqdan 7–12 metr/soniya tezlikda esadi, 28–30 aprelda ba’zi joylarda 15–20 metr/soniyagacha kuchayishi, ayrim joylarda chang-to‘zonlar bilan kuzatilishi mumkin.

Toshkent shahrida 28–30 aprel va 1–2 may kunlari yog‘ingarchilik kutilmaydi. Dushanba kunduzi harorat +36…+38 daraja, seshanba kuni +31…+33 daraja, chorshanba kuni +26…+28 daraja bo‘ladi. Ish haftasining ikkinchi yarmida harorat +29…+31 darajagacha ko‘tariladi.