2025 yilgi ROG Strix SCAR 18 sharhi: unga to‘laqonli geyming uchun jiddiy qarash uchun sabablar

ASUS ROG o‘zining eng yaxshi Strix SCAR o‘yin noutbuklari lineykasini rivojlantirishda davom etmoqda va 2025 yil modeli geymerlar uchun eng qiziqarli takliflardan biriga aylanishini va’da qilmoqda. 2025 yilgi yangi ROG Strix SCAR 18 flagmani nafaqat kuchli “uskunalar”, balki yangilangan dizayn va mutlaqo yangi sovitish tizimiga ham ega bo‘ldi. Materialda barcha asosiy xususiyatlar haqida umumiy ma’lumot berilgan.

Unumdorlik: bu “yirtqich” nimalarga qodir?

2025 yilgi ROG Strix SCAR 16 va 18 – o‘yin noutbukidan maksimal quvvatni kutayotganlar xafsalasini pir qilmaydi. Grafiklarni qayta ishlash uchun 50-seriyali noutbuklarda NVIDIA GeForce RTX videokartasi javob beradi. Bu shuni anglatadiki, yuqori kadrlar chastotasi va barcha grafik effektlar, jumladan, nurlarni kuzatish orqali chiroyli tasvirdan zavqlanish imkoniyatini beradi. DLSS 4 texnologiyalari va kadrlar generatsiyasi o‘yin ravon bo‘lishi uchun zarur bo‘lgan joylarda unumdorlikni oshirishga yordam beradi.

30-seriya yoki undan eski RTX videokartalari bo‘lgan noutbuklardan foydalanadiganlar uchun RTX 50ʼga o‘tish sezilarli sakrash bo‘ladi. DLSSʼsiz unumdorlik 2 barobargacha oshdi. Agar top RTX 5090ʼga DLSS 4 ulansa, RTX 3080ʼga nisbatan 6 barobargacha o‘sishga erishish mumkin. Bu haqiqatan ham qulay geyming eshiklarini ochadi.

ROG Strix SCAR 2025ʼning maksimal konfiguratsiyasida Intel Core Ultra 9 275HX protsessori (80 Vt gacha), NVIDIA GeForce RTX 5090 videokartasi (175 Vt gacha), 64 GB gacha DDR5 5600 MGs tezkor xotira va tezkor PCIe Gen4 SSD taklif etiladi. Bunday qismlar to‘plami har qanday o‘yin va ilovalarni hech qanday muammosiz ishga tushirish imkonini beradi.

Yana bir muhim jihat – avtonom ishlash vaqtining ko‘payishi (40% gacha). Endi siz uzoqroq o‘ynashingiz yoki quvvatlashlarsiz ishlashingiz mumkin, bu esa noutbukni yanada mobil qiladi.

Sovitish tizimi: qanday qilib noutbuk qizg‘in o‘yinlar paytida ham salqinligicha qoladi?

Kuchli qurilma uzoq o‘yin sessiyalari davomida noutbuk qizib ketmasligi va barqaror ishlashi uchun samarali sovitish tizimini talab qiladi. ROG Strix SCAR 2025ʼda buning uchun mutlaqo yangi sovitish tizimi javob beradi.

ASUS ROG muhandislari radiatorning qiziqarli konstruksiyasini o‘ylab topishdi, unda sovitish qovurg‘alari nafaqat pastda, balki bug‘latish kamerasining yuqorisida ham joylashgan. Bu tizimni ixchamroq qilish va shu bilan birga issiqlikni samarali chiqarib tashlash imkonini berdi. Korpusning orqa tomonidagi maxsus teshik orqali issiq havo puflab chiqariladi. Protsessor va videokartadan issiqlikni yaxshiroq uzatish uchun esa oddiy termopasta o‘rniga suyuq metall ishlatiladi.

Bunday sovitish tizimi tufayli noutbuk 255 Vt gacha issiqlikni (modelga qarab) tarqatishi mumkin, shu bilan birga u oldingi avlodlarga qaraganda, ayniqsa maksimal unumdorlik rejimida shovqinsizroq ishlaydi. Ichkarida chang to‘planmasligi uchun esa maxsus filtrlar o‘rnatilgan. Bu shuni anglatadiki, noutbuk uzoqroq xizmat qiladi va tez-tez tozalashni talab qilmaydi.

Dizayn va qulaylik: yangi Strix SCAR qanday ko‘rinishga ega va qanday his qilinadi?

ROG Strix SCAR 2025 tashqi tomondan yanada zamonaviy va dinamik ko‘rinishga ega bo‘ldi. Ekran qopqog‘i korpusga zich yopishib turadi, bu esa noutbukni yanada yaxlit ko‘rsatadi. Pastki qismidagi ventilyatsiya teshiklari sport avtomobilining elementlari kabi ko‘rinadi va ularga agressivlik qo‘shadi.

Strix seriyasining “fishka”laridan biri bu RGB yoritish tizimidir. Yangi modelda u korpusning butun perimetri bo‘ylab o‘tadi va o‘z ta’bingizga ko‘ra sozlashingiz mumkin bo‘lgan chiroyli “suzuvchi” yorug‘lik effektini yaratadi.

Top darajali SCAR 18ʼda qiziqarli detal – qopqoqdagi AniMe Vision yoritgich tizimi paydo bo‘ldi. Bu turli xil animatsiyalarni ko‘rsata oladigan ko‘plab kichik LEDʼlardir. Shu bilan birga, yoritgichli klassik ROG logotipi ham saqlanib qoldi. Agar yorug‘lik kerak bo‘lmasa, uni o‘chirib qo‘yish mumkin, shunda noutbuk yanada jiddiyroq ko‘rinish oladi.

Yana bir muhim yaxshilanish o‘z noutbukining ichki qismlarini mustaqil ravishda yangilashni yoqtiradiganlarga taalluqlidir. Pastki qopqoq endi vintlarsiz olinadi – maxsus richagni surish kifoya. Ichidagi qo‘shimcha SSD va tezkor xotira o‘rnatishga mo‘ljallangan slotlarni almashtirish oson. Shu bilan birga, SSD slotlari maxsus Q-latch qulfi bilan jihozlangan bo‘lib, u to‘plagichni otvertkasiz o‘rnatish imkonini beradi. Bu haqiqatan ham apgreyd jarayonini osonlashtiradi.

Displey: ko‘zni quvontiradigan tasvir

ROG Strix SCAR 2025 2.5K o‘lchamli 18 dyuymli IPS-displey bilan jihozlangan. Bu shuni anglatadiki, tasvir aniq va batafsil bo‘ladi, bu ham o‘yinlar, ham ish uchun muhimdir. Ekranning yangilanish chastotasi 240 Gs. Ekran yaxshi yorqinlik, keng rang qamrovi va yaltirashga qarshi qoplamaga ega. Bu shuni anglatadiki, tasvir yorqin yorug‘lik sharoitida ham to‘yingan va ko‘zlar uchun qulay bo‘lib qoladi. Ekran atrofidagi ramkalar juda ingichka bo‘lib (NanoEdge texnologiyasi), bu sizga displeyda sodir bo‘layotgan voqealarga to‘liq e’tibor qaratish imkonini beradi.

Ammo eng qizig‘i ROG Nebula HDR displeyini to‘ldiruvchi ACR (Adaptive Color Range) texnologiyasining o‘rnatilganidir. Bu yil ekranga Ambient Contrast Ratio plyonkasining ikkita qo‘shimcha qatlami qo‘shildi. Bu akslanishlar sonini 55% ga kamaytirishga va kontrastlikni 4,5 marta yaxshilashga yordam beradi. Oddiy qilib aytganda, tasvir ekranga yorug‘lik tushayotgan sharoitda ham aniqroq, yorqinroq va hayotiyroq ko‘rinadi. Bu ayniqsa, turli yorug‘lik sharoitlarida tez-tez o‘ynaydigan yoki ishlaydiganlar uchun juda muhimdir.

Bundan tashqari, ASUS yangi noutbukni odatda kafolat shartiga kirmaydigan buzilishlardan qanday himoya qilishni biladi. ASUS Perfect Warranty dasturi 2025 yil 1 yanvardan keyin sotib olingan ASUS, ROG va TUF noutbuklariga tatbiq etiladi. Agar siz tasodifan noutbukni tushirib yuborsangiz, unga suv to‘kib yuborsangiz yoki u kuchlanishning oshishi tufayli buzilsa, bu kafolat bilan qoplanishi mumkin. Asosiy shart – xariddan so‘ng uch oy ichida noutbukni ASUS saytida ro‘yxatdan o‘tkazish. Bu noxushlik yuz berganda qimmat ta’mirlashga pul sarflamaslik uchun foydali bo‘lishi mumkin.

Noutbukni O‘zbekistondagi elektronika do‘konlaridan, shuningdek, ASUS rasmiy hamkori: nout.uzʼdan xarid qilish mumkin.