Tesla sotuvlari 13 foizga tushib ketdi

Maskning siyosiy ishtiroki va zavodni qayta jihozlash fonida Tesla'ning choraklik sotuvi 13 foizga kamaydi. Gap qariyb uch yillik eng past ko‘rsatkich haqida ketmoqda, deb yozadi Bloomberg.

Foto: Josh Edelson/AFP

Ilon Maskning elektromobillar ishlab chiqaruvchi Tesla Inc. kompaniyasi 2025 yilning birinchi choragida 336 681 ta mashinani mijozlarga yetkazib berdi, bu o‘tgan yilning shu davriga nisbatan 20 foizga kam. Bu kompaniyaning 2 aprel, chorshanba kuni chop etilgan press-relizida keltirilgan.

Gap deyarli uch yillik eng past ko‘rsatkich haqida ketmoqda – 2022 yilning ikkinchi choragidan beri eng yomon ko‘rsatkich, deb xabar berdi Bloomberg. U so‘rov o‘tkazgan tahlilchilar kompaniya o‘rtacha 390 mingdan ortiq yengil va yuk mashinalarini sotishini kutishgan.

Raqamlar Tesla ishida 2025 yil boshidagi uzilishlar ko‘lamini ochib beradi. Kompaniya yangilangan Model Y'ni ishlab chiqarish uchun butun dunyo bo‘ylab zavodlarni qayta jihozladi, bu esa ishlab chiqarishdagi yo‘qotishlarga olib keldi.

Bundan tashqari, biznesmen Maskning Amerika va jahon siyosatiga faol aralashuvi AQSh va Yevropada noroziliklarga sabab bo‘ldi, deya qayd etadi Bloomberg.

#Tesla #Ilon Mask