Qoʻshimcha funksionallar
-
Tungi ko‘rinish
Uitkoff Putin bilan uchrashish uchun 8 soat kutgani aytildi
Maxsus vakil Putin va Lukashenko muzokaralari yakunlashini uzoq vaqt kutgani ta’kidlanmoqda.
Foto: Jabin Botsford/The Washington Post via AP/picture alliance
AQSh prezidentining maxsus vakili Stiv Uitkoff Rossiya prezidenti Vladimir Putinning belaruslik hamkasbi Aleksandr Lukashenko bilan muzokaralari yakunlashini 8 soat kutdi, deb xabar berdi Sky News. Shundan keyingina maxsus elchi Putin bilan uchrashdi.
«Oxir-oqibat, Putin Uitkoffga juda muhim shaxsiy vaqtini ajratdi, bunda allaqachon qorong‘i tushgan edi. Uchrashuv yopiq eshiklar ortida o‘tdi», deyiladi xabarda. Sky News uchrashuvni kuttirish zaruratini Rossiya tomonining «klassik kuch o‘yini» deb atadi.
Stiv Uitkoff Moskvaga 13 mart kuni ertalab Ukraina va AQSh Jiddadagi muzokaralardan ikki kun o‘tib yetib bordi. Unda Kiyev 30 kunlik otashkesimga rozi bo‘ldi. Ushbu taklif Rossiya tomoni bilan ham muhokama qilinishi rejalashtirilgan edi. Vladimir Putin va Stiv Uitkoff o‘rtasidagi muzokaralar yopiq eshiklar ortida o‘tdi. 14 mart kuni ertalab Uitkoff Moskvani tark etdi.
Uitkoff bilan Putin uchrashuvining natijalari oshkor etilmadi.
Donald Trampning maxsus vakili bilan uchrashishdan oldin Putin Ukrainadagi harbiy harakatlarni to‘xtatishga roziligini, biroq bu uzoq muddatli tinchlikka olib kelishi sharti bilan ekanini aytdi.
Tinchlik muzokaralari
Mavzuga oid
23:34 / 04.07.2025
AQShda xatolik tufayli 400 yilga qamalgan erkakka 1,7 mln dollar kompensatsiya to‘landi
18:50 / 04.07.2025
AQSh savdo bitimini tuzmagan davlatlarga ogohlantiruvchi xat yuborishni boshladi
13:56 / 04.07.2025
AQSh Kongressi Trampning «katta ajoyib» qonun loyihasini qabul qildi
12:26 / 04.07.2025