Kattaqo‘rg‘onda eshak so‘yib, go‘shtini sotib kelgan shaxslar aniqlandi
Ushbu faoliyat bilan shug‘ullanib kelgan shaxslarning xonadonidan 250 kg eshak go‘shti va so‘yish uchun tayyorlab qo‘yilgan 4 ta eshak topilgan.

Foto: Ijtimoiy tarmoqlar
Ijtimoiy tarmoqlarda Kattaqo‘rg‘on tumanida yashovchi fuqaro xonadonida eshak so‘yib, go‘shtini sotish bilan shug‘ullanib kelayotganligi haqidagi xabarlar tarqaldi. Holat Veterinariya va chorvachilikni rivojlantirish qo‘mitasi ishchi guruhi tomonidan o‘rganildi.
Ma’lum qilinishicha, o‘rganishlar davomida Kattaqo‘rg‘on tumanining Yangiqo‘rg‘oncha mahallasi hududidan oqib o‘tuvchi “Qirish” kanaliga eshak suyaklari tashlab ketilganligi aniqlangan. Shuningdek, Alijon mahallasining Navro‘z ko‘chasida yashovchi X.K. va X.N. xonadoni xolislar ishtirokida ko‘zdan kechirilgan. Jarayonda xonadon molxonasidan 250 kg eshak go‘shti va so‘yish uchun tayyorlab qo‘yilgan 4 ta eshak topilgan.
Ayni paytda holat yuzasidan tergovga qadar surishtiruv ishlari olib borilayotganligi ma’lum qilindi.
Mavzuga oid

19:40 / 28.06.2025
O‘zbekiston Mo‘g‘ulistondan 2 ming tonna «halol» ot va qo‘y go‘shti sotib oladi

15:34 / 19.06.2025
O‘zbekiston bozoriga Belarusdan mol go‘shti maqbul narxlarda yetkazib berilishi mumkin

10:37 / 16.06.2025
"Go‘sht, sut, parranda go‘shti va tuxum narxi barqaror bo‘lishi shart" - prezident

17:14 / 12.06.2025