Notarif cheklovlar fonida O‘zbekistonga yengil avtomobillar importi keskin qisqardi
2025 yilning yanvar oyida O‘zbekistonga yengil avtomobil importi qiymat jihatdan 7 barobardan ko‘proqqa, miqdor jihatdan esa 5,6 barobarga qisqardi. Eng katta kamayish gibrid avtomobillar importida kuzatilgan – 31 barobar. Elektromobillar va benzinli yengil avtomobillar importidagi qisqarish esa mos ravishda 6,7 barobar va 2,5 barobar bo‘lgan.

2025 yilning yanvar oyida O‘zbekistonga qiymati 31 mln dollarlik 1796 dona yengil avtomobil import qilindi. Bu haqda Bojxona qo‘mitasining oylik hisobotida keltirilgan.
Taqqoslash uchun, o‘tgan yilning mos davrida 221,4 mln dollarlik 10 ming 152 dona yengil avtomobillar importi amalga oshirilgan. O‘tgan bir yil davomida avtomobil importi qiymat jihatdan 7 barobardan ko‘proqqa, miqdor jihatdan esa 5,6 barobarga qisqargan.
Eng katta kamayish gibrid avtomobillar importida kuzatilgan – 31 barobar. Elektromobillar va benzinli yengil avtomobillar importidagi qisqarish esa mos ravishda 6,7 barobar va 2,5 barobar bo‘lgan.
Eslatib o‘tamiz, 2024 yil 1 noyabrdan boshlab import qilingan avtomobillarni bojxona hududida emas, Piskentdagi poligonda texnik sinovlardan o‘tkazish boshlangandi. Shuningdek, yakka tartibda yoki xususiy tadbirkorlar tomonidan import qilinadigan mashinalar uchun elektromagnit moslashuvchanlik tekshiruvi ham joriy qilindi. Avtopoligonning mavjud quvvati real talabdan bir necha barobarga kamligi import hajmining keskin qisqarishiga ta’sir qilayotgan bo‘lishi mumkin.
Mavzuga oid

14:18
“Leapmotor” sinovi xitoylik mutaxassislar ishtirokida qayta o‘tkaziladi

08:43 / 03.04.2025
2 oyda xorijdan qancha yengil avtomobil import qilingani aytildi

20:13 / 02.04.2025
Bitta mashinada nuqson topilsa, brendning hamma modellarini yoppasiga taqiqlash to‘g‘rimi?

16:54 / 01.04.2025