Toshkent xalqaro aeroportida tuman tufayli samolyotlarni qabul qilishga cheklovlar joriy etildi

Uzbekistan Airports AJ Toshkent xalqaro aeroportida noqulay ob-havo sharoiti (tuman) tufayli havo kemalarini qabul qilishga cheklovlar joriy etilganini ma’lum qildi.

Qayd etilishicha, Samarqanddagi muqobil aerodromga quyidagi reyslar yo‘naltirilgan:

• Silk Avia aviakompaniyasining Farg‘ona — Toshkent yo‘nalishi bo‘yicha US402;
• Uzbekistan Airports aviakompaniyasining Bishkek — Toshkent yo‘nalishi bo‘yicha HY778;
• UTair aviakompaniyasining Surgut — Toshkent yo‘nalishi bo‘yicha UTA-709;
• Centrum Air aviakompaniyasining Dubay — Toshkent yo‘nalishi bo‘yicha MFX-352.

Shuningdek, Uzbekistan Airports aviakompaniyasining Grozniy — Toshkent yo‘nalishi bo‘yicha HY9702 reysi Buxorodagi muqobil aerodromga yo‘naltirilgan.

Eslatib o‘tamiz, 25 noyabr kuni Farg‘ona aeroportida havo kemalarini qabul qilishga vaqtinchalik cheklovlar joriy etilgandi. O‘shanda Uzbekistan Airports aviakompaniyasining Istanbul — Farg‘ona yo‘nalishidagi reysi Namangan muqobil aeroportiga yo‘naltirilgan.