Ishtixonda uch metrlik bo‘g‘ma ilon uyda saqlanayotgani aniqlandi
Hozir ilon «Zarafshon» milliy tabiat bog‘i reabilitatsiya markaziga topshirilgani ta’kidlanmoqda.

Foto: Ekologiya vazirligi
Samarqand viloyati, Ishtixon tumanida yashovchi fuqaro B.M. Qizil kitobga kiritilgan, mamlakatga noqonuniy yo‘llar bilan olib kirilgan «Yo‘lbars pitoni»ni saqlab kelayotgani aniqlandi.
Samarqand viloyati Ekologiya, atrof-muhitni muhofaza qilish va iqlim o‘zgarishi boshqarmasi xabariga ko‘ra, bo‘g‘ma ilonning uzunligi 2,78 metr, eni 28 sm. Bunday ilonlar tutqunlikda 25 yilgacha umr ko‘rishi mumkin.
Qayd qilinishicha, hozir ilon «Zarafshon» milliy tabiat bog‘i reabilitatsiya markazida vaqtincha saqlanmoqda.
Ilonni uyda saqlayotgan fuqaroga qanday chora ko‘rilgani xabarda keltirilmagan.
Mavzuga oid

18:50 / 05.04.2025
Foto: Samarqanddagi xalqaro tadbirlar qanday o‘tdi?

16:19 / 04.04.2025
Samarqand iqlim forumi va uning O‘zbekiston uchun ahamiyati qanday bo‘ladi?

16:49 / 02.04.2025
Saida Mirziyoyeva YuNESKO Bosh konferensiyasi Samarqandda o‘tkazilishini olqishladi

09:15 / 01.04.2025