Qoʻshimcha funksionallar
-
Tungi ko‘rinish
Bahodir Qurbonov DXX raisi etib tayinlandi
O‘zbekiston mudofaa vaziri lavozimida ishlab kelgan general-leytenant Bahodir Qurbonov Davlat xavfsizlik xizmati raisi etib tayinlandi. Bu haqda Kun.uz manbasi xabar berdi.
Foto: Kun.uz
Qurbonov DXX rahbari lavozimidan chetlatilgan Abdusalom Azizovning o‘rnini egallaydi.
55 yoshli general so‘nggi besh yildan buyon O‘zbekiston Mudofaa vazirligini boshqarib kelayotgan edi. Uch kun oldin Oliy Majlis Qonunchilik palatasi tomonidan, hukumatning boshqa barcha a’zolari qatori, vazir lavozimiga ma’qullangan edi.
Mudofaa vazirligida uning o‘rnini kim egallashi hozircha ma’lum emas.
Bahodir Nizamovich Qurbonov 2015-2018 yillarda Toshkent shahar Ichki ishlar bosh boshqarmasi boshlig‘i sifatida ishlagan, 2018 yil fevralida unga general-mayor harbiy unvoni berilib, Toshkent harbiy okrugi qo‘shinlari qo‘mondoni lavozimiga tayinlangan. 2019 yil fevralida esa u O‘zbekiston mudofaa vaziri sifatida ish boshlagan.
2021 yil 14 yanvarda mudofaa vaziriga general-leytenant harbiy unvoni berilgandi.
Mavzuga oid
11:54 / 28.03.2025
Futbol bo‘yicha DXX kubogi boshlanmoqda
10:32 / 28.03.2025
Toshkentda 4 ta maktabning futbol maydonini ijaraga olib bermoqchi bo‘lgan bog‘cha rahbari ushlandi
11:50 / 25.03.2025
Hududlarda salkam 100 kg giyohvandlik vositalari ashyoviy dalil sifatida olindi
12:04 / 19.03.2025