Qoʻshimcha funksionallar
-
Tungi ko‘rinish
The Guardian o‘zbekistonlik 17 yoshli futbolchini jahonning eng umidli top-60 o‘yinchisi ro‘yxatiga kiritdi
Buyuk Britaniyaning The Guardian nashri o‘z an’anasiga binoan, har yil jahonning eng umidli iqtidorlari o‘yinchilari top-60ligini e’lon qilib bormoqda. E’tiborlisi, bu safar ushbu ro‘yxatga o‘zbekistonlik futbolchi ham kiritilgan.
Foto: UFA
Eng umidli iqtidorlar reytingidan O‘zbekiston U20 jamoasi hamda «Bunyodkor» klubi himoyachisi Azizbek To‘lqinbekov ham joy olgan. 2007 yilda tug‘ilgan futbolchining hozirgi transfer bahosi 175 ming yevro sanaladi. U joriy mavsum Superligada jami 16 o‘yinda maydonga tushib, 1007 daqiqa harakat qilgan.
The Guardian nashrining vunderkindlar ro‘yxatiga «Barselona» hamda Ispaniya milliy jamoasi a’zosi Lamin Yamal, Pau Kubarsi, «Real»dan Joan Martines, «MYu»dan Chido Obi-Martin va Jyeyms Overi joy olgan.
Shuningdek, Franko Mastantuono («River Pleyt»), Enzo Molebe («Lion»), Viggo Gebel («RB Leypsig»), Mattia Liberali («Milan»), Rodrigo Mora («Portu»), Jonatan Kusi-Asare («Bavariya»), Arxan Kaka («Persis Solo»), Rayan Messi («Strasbur»), Jyeyden de Guzman («PSV»), Sheyn Klyuyvert («Barselona») singari umidli iqtidorlar ham ro‘yxatga kiritilib, skautlarga tavsiya qilingan.
Eslatib o‘tamiz, bungacha The Guardian nashri 2022 yilda jahonning eng umidli o‘yinchilari top-60ligiga o‘zbekistonlik futbolchi Jasur Jaloliddinovni kiritgan edi.
Mavzuga oid
11:09 / 18.04.2025
Harvard Growth Lab: Besh yil ichida O‘zbekiston iqtisodiy murakkablik reytingida 25 pog‘onaga ko‘tarildi
21:20 / 16.04.2025
TIME dunyoning eng nufuzli 100 kishisi ro‘yxatini e’lon qildi
09:00 / 07.04.2025
2025 yil uchun eng ishonchli avtomobillar e’lon qilindi: ular orasida Tahoe ham bor
18:19 / 01.04.2025