Kuchli yomg‘ir tufayli 6 ta hududda qariyb 67 ming iste’molchi “svet”siz qoldi
Avariyali o‘chish oqibatida Qoraqalpog‘iston Respublikasi, Xorazm, Samarqand, Qashqadaryo, Buxoro va Toshkent viloyatlarida 66 750 ta iste’molchi hamda kichik ishlab chiqarish sanoat korxonalari elektr ta’minotidan vaqtinchalik uzilgan.

Foto: Videodan kadr
Respublikaning turli hududlarida ko‘plab iste’molchilar elektr energiyasi ta’minotidan vaqtinchalik uzildi. Bu haqda Energetika vazirligi xabar bermoqda.
Ma’lum qilinishicha, soat 10:00 holati bo‘yicha mamlakat bo‘ylab yuz berayotgan kuchli yomg‘ir va shamol natijasida 6-10 kVli 190 ta fider 274 MVt quvvat bilan avariyaviy o‘chiq qolmoqda.
Oqibatda Qoraqalpog‘iston Respublikasi, Xorazm, Samarqand, Qashqadaryo, Buxoro va Toshkent viloyatlaridagi 66 750 ta iste’molchi hamda kichik ishlab chiqarish sanoat korxonalari elektr ta’minotidan vaqtinchalik uzilgan.
Qayd etilishicha, hozirgi vaqtda murakkab ob-havo sharoitiga qaramasdan, maxsus brigadalar tomonidan barcha nosozliklar bartaraf etilmoqda.
Mavzuga oid

19:58 / 27.06.2025
Pokistonda kuchli yomg‘ir oqibatida 10 kishi halok bo‘ldi

18:27 / 21.06.2025
Chakana savdoda chegirma berish va aksiya o‘tkazish qoidalari belgilanishi mumkin

23:25 / 19.06.2025
Qozog‘istonda elektr ta’minoti uzilgani O‘zbekistonga ham ta’sir qildi

13:35 / 06.06.2025