Malayziya O‘zbekistonda maishiy elektrotexnika mahsulotlarini ishlab chiqarmoqchi

Malayziya kompaniyasi O‘zbekistonda elektrotexnika sohasida qo‘shma loyihalarni amalga oshirishga qiziqish bildirmoqda.

Foto: "Dunyo" AA

O‘zbekiston elchisi Karomiddin Gadoyev Malayziyaning Erwan Technology Sdn. Bhd. ijrochi direktori Li Yyeouv Lung bilan uchrashuv o‘tkazdi, deb xabar qilmoqda "Dunyo".

Tomonlar O‘zbekistonda misni qayta ishlash uchun mavjud xomashyo bazasi, transformatorlar, kichik turdagi maishiy elektrotexnika mahsulotlarini ishlab chiqarish bo‘yicha mamlakat hududlarida qo‘shma investitsiyaviy loyihalarni amalga oshirish masalalari muhokama qildi.

Uchrashuv yakunida mazkur yo‘nalishlarda aniq loyihalarni ishlab chiqish maqsadida Malayziya kompaniyasi vakillarining O‘zbekistonga safarini tashkil etish bo‘yicha kelishuvga erishildi.

#Malayziya #elektrotexnika