Qoʻshimcha funksionallar
-
Tungi ko‘rinish
Bosh konsulxona: Turkiya chegarasida mamlakatga kelayotganlarga nisbatan qat’iy tekshiruvlar boshlandi
Istanbul xalqaro aeroportida 20-35 yoshdagi xorijliklarga nisbatan nazorat tadbirlari kuchaytirildi.
Foto: O‘zbekistonning Istanbuldagi bosh konsulxonasi
O‘zbekistonning Istanbuldagi Bosh konsulxonasi Telegram-kanali ma’lumotiga ko‘ra, migratsiya xizmati xodimlari xatti-harakatlari shubha uyg‘otgan shaxslar bilan suhbat o‘tkazib, uyali telefonlarini tekshirish holatlari kuzatilmoqda.
Terrorizm, odam savdosi va boshqa jinoyatlarga aloqadorlikda gumonlanganlar, taqiqlangan tovarlarni olib o‘tishga uringan shaxslar "Turkiyaga kirishi istalmagan yo‘lovchi" sifatida baholanadi.
Jumladan, joriy yilning yanvar-fevral oylari davomida Turkiyaga kiritilmagan 163 nafar O‘zbekiston fuqarolaridan 54 nafari muqaddam Turkiyaga kelib, qonunbuzarlik sodir etgani aniqlangan.
Fuqarolarga mahalliy qonunlarga to‘liq rioya qilish, deportatsiya qilinganlarga esa Turkiyaga kirish taqiqi bor yoki yo‘qligini Toshkent va Samarqand shaharlaridagi Turkiya diplomatik vakolatxonalaridan o‘rgangan holda kelish tavsiya qilinadi, deya qayd etadi O‘zbekiston Bosh konsulxonasi.
Mavzuga oid
17:05
Turkiyaga aldov yo‘li bilan chaqirilgan voyaga yetmagan o‘zbekistonlik qiz vatanga qaytarildi
21:40 / 15.04.2025
Turkiyada ota-ona qaramog‘isiz qolgan voyaga yetmagan qiz O‘zbekistonga olib kelindi
15:43 / 25.03.2025
Turkiyada Erdo‘g‘an erasi va Imomo‘g‘li omili – siyosatshunoslar nigohida
09:34 / 25.03.2025