Ruhiy-asab kasalliklari shifoxonasidan qochgan erkak Namanganda odam o‘ldirdi

U jinoyatni aqli noraso holatida sodir etgan deb topilib, majburiy davolanishga yuborilgan.

Foto: Videodan kadr

4 avgust kuni Toshkent shahri, Yunusobod tumanida 31 yoshli erkak qo‘lida guldasta bilan yalang‘och holda jamoat joyida yurgani aniqlangan edi. Holat yuzasidan Yunusobod tumani IIO FMB tomonidan o‘tkazilgan tekshiruv jarayonida u Ruhiy-asab kasalliklar guruhi shifokori tomonidan ko‘rikdan o‘tkazilgan. Natijada uning ruhiyati buzilgani aniqlanib, ruhiy-asab kasalliklar shifoxonasiga yotqizilgan.

So‘ngra, u shifoxonadan qochib ketib, Namangandagi tovuq fabrikalaridan biriga borib, ishga joylashgan va shu joyda yashagan. Keyinchalik fabrika qorovuli bilan gap talashib, uni pichoqlab o‘ldirgan.

Ruhiy-asab kasalliklar shifoxonasi tomonidan unga «aralash dissotsiativ buzilish» tashxisi qo‘yilib, jinoyatni aqli noraso holatida sodir etgan deb topilgan va majburiy davolanishga yuborilgan.

Holat yuzasidan jinoyat ishi materiallari noyabr oyida sudga yuborilgani ta’kidlanmoqda.

#Toshkent #Namangan #qotillik