Qoʻshimcha funksionallar
-
Tungi ko‘rinish
Navbat Xorazmga: qurol, giyohvandlik va psixotrop moddalar topildi, 3 kishi qamoqqa olindi
Xorazm viloyatida huquqni muhofaza qiluvchi idoralar o‘tkazgan tezkor-profilaktik tadbirlarda tergov va sud organlaridan yashirinib yurgan 12 nafar shaxs ushlangan.
Foto: Xorazm viloyat IIB
Xorazm viloyatida ham ichki ishlar organlari tomonidan DXX viloyat boshqarmasi bilan hamkorlikda tezkor-profilaktik tadbirlar o‘tkazilmoqda. Bu haqda viloyat IIB xabar berdi.
Ma’lum qilinishicha, tadbirlar davomida viloyat hududida turli jinoyatlarga aloqador fuqarolar aniqlanib, gumondorlarning yashash uylarida tintuvlar o‘tkazilgan. Jarayonda 4 kg 800 grammdan ortiq og‘irlikdagi giyohvandlik moddalari, 97 dona psixotrop moddalar, 1 ta pnevmatik qurol, 2 ta sovuq qurol (bita va kastet) ashyoviy dalil tariqasida rasmiylashtirib olingan.
“Yuqoridagi holatlar yuzasidan Jinoyat kodeksining 273-moddasi 5-qismi, 276-moddasi 2-qismi, 277-moddasi 2-qismiga asosan jinoyat ishlari qo‘zg‘atilib, 3 nafar shaxs ehtiyot chorasi sifatida qamoqqa olingan. Hozirda dastlabki tergov harakatlari olib borilmoqda”, deyiladi IIB xabarida.
Qo‘shimcha qilinishicha, tezkor-profilaktik tadbir davomida tergov va sud organlaridan yashirinib yurgan 12 nafar shaxs ushlangan.
Oldinroq Namanganda tergov va sud organlaridan yashirinib yurgan 35 nafar shaxs ushlangandi.
Jinoyatchilikka qarshi tadbirlar
Mavzuga oid
20:24 / 02.04.2025
Xorazmda pulini ko‘paytirib berishni aytib, mingdan ortiq odamni chuv tushirgan shaxs ushlandi
16:38 / 18.03.2025
Xorazm viloyatining uchta tumanida hokim o‘zgardi
17:31 / 13.03.2025
Rossiya koloniyalaridagi xorijliklarning 70 foizi Markaziy Osiyo davlatlari fuqarolari
11:53 / 10.03.2025