AQSh yangi qit’alararo ballistik raketani sinovdan o‘tkazdi

Raketa taxminan 6,8 ming km masofani bosib o‘tib, Tinch okeanidagi Amerika poligoniga quladi.

Foto: Getty Images

AQSh 6 sentabr kuni Kaliforniyadagi Vandenberg havo kuchlari bazasida Minuteman III qit’alararo ballistik raketasini sinovdan o‘tkazdi.

Sinovdan maqsad bunday qurol tizimlarining xavfsizligi, samaradorligi va tayyorgarligini tekshirishdan iboratligi aytilmoqda.

Raketa oddiy kallak bilan uchirildi va taxminan 6,8 ming km masofani bosib o‘tib, Tinch okeanidagi Marshall orollarida joylashgan Amerika poligoniga quladi. Sinov haqida Rossiya tomoni ham oldindan xabardor qilingan.

Qayd qilinishicha, Minuteman III raketasi uchta yadro kallagini olib yurishga va 12 ming km masofani bosib o‘tishga qodir. Ularni uchirish tizimlari Qo‘shma Shtatlardagi shaxtalarda joylashgan. 400 ta shunday raketa jangovar shay holatda ekani aytilmoqda.

AQSh 2023 yilda uchinchi marta Minuteman III raketasini sinovdan o‘tkazmoqda.

#AQSh #ballistik raketa

Mavzuga oid

18:03 / 18.04.2025

«Bu bizning urush emas» - Agar muzokaralarda siljish bo‘lmasa, AQSh Ukrainada tinchlik o‘rnatish urinishlarini to‘xtatadi

17:34 / 18.04.2025

Ukraina va AQSh foydali qazilmalar bo‘yicha shartnoma tuzish niyatida memorandum imzoladi

13:53 / 18.04.2025

Reuters: Rossiya harbiy ta’minot uchun AQSh firmasidan foydalanmoqchi

13:46 / 18.04.2025