Qoʻshimcha funksionallar
-
Tungi ko‘rinish
O‘zbekiston | 10:58 / 19.04.2023
23436
1 daqiqa o‘qiladi
Past Darg‘om tumaniga yangi hokim tayinlandi
Qonunchilik palatasi deputati tuman hokimiga aylandi.
Foto: Samarqand viloyati hokimligi
Samarqand viloyati Past Darg‘om tumani hokimligida o‘tkazilgan xalq deputatlari tuman kengashining navbatdan tashqari sessiyasida tashkiliy masala ko‘rildi.
Sessiyada deputatlar tomonidan Vahobjon Abdug‘aniyevich Murodqobilov nomzodi Past Darg‘om tumani hokimi lavozimiga tasdiqlandi.
Vahobjon Murodqobilov 1974 yilda Past Darg‘om tumanida tug‘ilgan.
Turli yillarda qurilish vazirligida boshqarma boshlig‘i, qurilish vazirligi huzuridagi «Shaharsozlik hujjatlari ekspertizasi» DUK bosh direktori vazifalarida ishlagan.
Mazkur tayinlovga qadar O‘zbekiston Respublikasi Oliy Majlisi Qonunchilik palatasi deputati vazifasida faoliyat olib borgan.
- Eslatib o‘tamiz, Past Darg‘om tumaniga 2019 yildan buyon rahbarlik qilib kelgan Shunqor Xudoyberdiyev bugun Samarqand viloyati hokimining qishloq va suv xo‘jaligi masalalari bo‘yicha o‘rinbosari lavozimiga o‘tkazildi.
