Germaniya uyali aloqa tizimida ommaviy uzilish yuz berdi 

Germaniyada uyali aloqa operatorlari ishida keng ko‘lamli nosozlik yuz berdi. Bu haqda 17 noyabr, payshanba kuni Bild nashri xabar qildi. 

Nashr turli resurslar ishidagi nosozliklarni kuzatuvchi Allestörungen portaliga tayanib, Germaniyaning deyarli barcha uyali aloqa operatorlari muammolarga duch kelganini qayd etdi. Xususan, ularning mijozlari qo‘ng‘iroq qilish imkoni yo‘qligini ma’lum qilishdi. 

Abonentlar shikoyati statistikasiga ko‘ra, muammolar haqidagi xabarlarning aksariyati, ya’ni 19 mingdan ortig‘i O2 operatori abonentlaridan kelib tushgan. Kompaniya Twitter sahifasida nosozlikni tasdiqladi va muammoni bartaraf etish ustida ish olib borilayotganiga ishontirdi. 

Bild nashrining yozishicha, muammo sababi hozircha ma’lum emas.