«Chelsi» Tomas Tuxel iste’fosini e’lon qildi

Chempionlar ligasi 1-turi doirasidagi «Dinamo» Zagreb - «Chelsi» (1:0) o‘yinidan keyin London klubi nemis mutaxassisini iste’foga chiqardi.

Foto: Getty Images

Germaniyalik murabbiy qo‘l ostidagi jamoa YeChL startini mag‘lubiyat bilan boshlashdan tashqari, APLda ham yaxshi natija ko‘rsata olmayapti – 6 o‘yinda 3 g‘alaba, 2 mag‘lubiyat va 1 durang qayd etib, 6-o‘rinni egallab turibdi.

Tuxel 2021 yilning yanvar oyidan buyon «Chelsi»ni boshqarib kelayotgan edi. U londonliklar boshqaruvida Chempionlar ligasi, Yevropa Superkubogi va klublar o‘rtasidagi JChda g‘olib chiqdi.

Ma’lumot uchun, «Chelsi» navbatdagi o‘yinini 10 sentabr kuni «Fulhem»ga qarshi o‘tkazadi.

#Chelsi #iste’fo #Tomas Tuxel