Qoʻshimcha funksionallar
-
Tungi ko‘rinish
Qirg‘iziston prezidenti parlamentning Japarovni bosh vazirlikka tayinlash to‘g‘risidagi qarorini noqonuniy deb topdi
10 oktabr kuni Qirg‘iziston parlamenti Sadir Japarov boshchiligidagi vazirlar mahkamasining yangi tarkibini tasdiqlagandi.
Foto: president.kg
Qirg‘iziston prezidenti Sooronbay Jeenbekov mamlakat parlamentining Sadir Japarov boshchiligidagi hukumat tarkibini tasdiqlash to‘g‘risidagi qarorini noqonuniy deb topdi. Bu haqda Qirg‘iziston prezidenti matbuot xizmati xabar berdi.
"Kvorum ta'minlanmagan, kvorumsiz qabul qilingan qarorlar noqonuniy va yuridik kuchga ega emas deb topiladi. Shu sababli Qirg‘iziston prezidenti apparati taqdim etilgan hujjatlarni parlamentga qaytardi", - deyiladi xabarda.
Eslatib o‘tamiz, 5 oktabr kuni Bishkekda hukumatni qo‘llab-quvvatlovchi ikki partiya g‘olib chiqqan parlament saylovlari natijalariga qarshi namoyishlar boshlandi. Namoyishlar tartibsizliklar va politsiya bilan to‘qnashuvlarga aylanib ketdi. Bir necha yuz kishi jarohat oldi, bir kishi halok bo‘ldi.
6 oktabr kuni parlament a'zolarining bir qismi bosh vazirlikka Sadir Japarov nomzodini ma'qullab ovoz berdi.
10 oktabr kuni Qirg‘iziston parlamenti Sadir Japarov boshchiligidagi vazirlar mahkamasining yangi tarkibini tasdiqladi.
Qirg‘izistonda hukumat almashinuvi
Mavzuga oid
20:30 / 17.04.2025
Qirg‘iziston sobiq prezidentiga sud hukmi o‘qildi
18:56 / 17.04.2025
Rossiya TIV Moskvada Qirg‘iziston fuqarolari tahqirlanganiga izoh berdi
13:40 / 16.04.2025
O‘zbekiston Qirg‘iziston bilan chegarada erkin savdo zonalari tashkil etishni rejalashtirmoqda
16:50 / 15.04.2025