Jahon iqtisodiyoti koronavirus vahimasi ortida 9 kunda 9 trillion dollar yo‘qotdi

Jahon birjalari 9 kun ichida 9 trln dollar yo‘qotdi. Barcha fond birjalarida aksiyalar qadrsizlanishi kuzatilmoqda.

Foto: WBAP.com

Koronavirus vahimasi ortida oxirgi 9 kun ichida jahon fond birjalarida 9 trln dollar yo‘qotildi. Bu haqda 6 mart kuni CNN telekanali Bank of America’ga tayanib xabar berdi.

Aksiyalar narxi nafaqat AQSh fond birjalarida, balki Yevropa va Osiyoda ham tushib ketgan. Yaponiyaning tayanch indeksi Nikkei 225 6 mart kuni 2,7 foizga, Janubiy Koreya indekslari 2,2 foizga, Hongkong birjasi indeksi 2,3 foizga, Xitoyning SHCOMP indeksi 1,3 foizga tushib ketgan.

Yevropadagi fond birjalari Yevropa davlatlarida koronavirus jadal tarqalayotgani haqidagi xabarlar ortida 3-3,6 foizga pasaygan.

#fond birjalari #koronavirus