Qoʻshimcha funksionallar
-
Tungi ko‘rinish
Vaziyat o‘ta keskin tus oldi. Yamanda isyonchilar 41 jurnalistni garovda ushlab turibdi
Foto: © AP / Hani Mohammed
Isyonchi husiylar Sanadagi Yemen Today telekanali binosida 41 nafar jurnalistni garovda ushlab turibdi. Bu haqda RIA «Novosti» ikki manbaga tayangan holda xabar bermoqda, ular ushbu mamlakatdagi isyonchilar bilan aloqalarga ega.
Ta'kidlanishicha, qo‘lga olinganlar orasida Rossiyaning Sputnik agentligining Yamandagi shtatdan tashqari muxbiri ham bor.
Isyonchilar o‘tgan shanba kuni telemarkaz binosini egallab olishdi, u yerda esa Yemen Today telekanali ofisi joylashgan. Telekanal jurnalistlari yakshanba kuni bundan norozi bo‘lib ochlik e'lon qilishdi.
Yemen Today Yamanning o‘ldirilgan sobiq prezidenti Ali Abdulla Solihning partiyasi bilan aloqador kanal sifatida tanilgan. Ushbu partiya - «Umumiy xalq kongressi» (UXK) shanba kuni yamanlik fuqarolarni mamlakatni yaqinda o‘z ittifoqdoshlari bo‘lgan «Ansor Alla» husiylar harakatidan himoya qilishga chaqirdi.
Avvalroq Yaman poytaxtidagi to‘qnashuvlar natijasida 245 kishi halok bo‘lgani xabar qilingandi.
Yamandagi urush
4 dekabr kuni Yamanning sobiq prezidenti, mamlakatni 33 yil davomida boshqargan Abu Abdulla Solih o‘ldirildi. Endi Yamanda fuqarolik urushining ikkinchi bosqichi boshlandi.
Mavzuga oid
19:30 / 18.04.2025
AQSh Yamandagi neft terminaliga zarba berdi: 60 ga yaqin kishi halok bo‘lgan
03:29 / 04.04.2025
Pentagonda husiylarga hujum Signal chatida muhokama qilingani yuzasidan tergov boshlandi
10:07 / 26.03.2025
Yaman bo‘yicha chatdagi sizib chiqishdan keyin AQShda yangi jinoiy modda joriy etiladi
11:29 / 25.03.2025