Video: ABC boshlovchisi bir necha soniyaga jonli efirda ekanini unutib qo‘ydi

Avstraliyaning ABC telekanali boshlovchisi Natasha Ekselbi jonli efir vaqtida noqulay vaziyatga tushib qoldi. Nima yuz berganini tushunganidan keyin esa, boshlovchi yana bir necha soniya o‘ziga kela olmadi.

The Independent gazetasining yozishicha, rolik ijtimoiy tarmoqlarda ommalashib ketgan, boshlovchi hodisadan keyin katta ekranda ko‘rinmay qolgan. Mahalliy OAV Ekselbi ishdan bo‘shatilgani haqida yozgan bo‘lsa, ABC telekanali rahbariyati bunday xabarlarni inkor etdi. Kanal yangiliklar xizmati rahbari Gaven Morisning aytishicha, bu kabi holatga hamma tushishi mumkin, chunki boshlovchilar robot emas, balki insonlardir.

"Biz efirlarga jiddiy qaraymiz, ammo mukammallikni talab qilmaymiz. Hech kim hech qachon bunday axmoqona xato uchun jazolanmaydi", — deb qo‘shimcha qilgan Morris.

The Guardian gazetasiga ko‘ra, boshlovchi baribir malaka oshirish kurslariga yuborilgan va birmuncha vaqtdan keyin efirga qaytadi.